قصة معجزة من لبنان...برواية صديقي ايمن الشاعر العظيم

سلامات
كلنا منعرف زمن المعجزات، خلص وقتو .. او يمكن لأ!!!
اليكم اخر معجزاتي..

مش حتى شوف حالي عليكم ، اكيد لا.. ابسولوتلي .. اعوذ بالله ان اكون من الجاهلين .

.بس حتى تكون موعظة الكن ، وتتفكروا ، انو كل شي بهيدي الحياة هو جند من جنود الله ، وكل الاشياء يللي من حولنا هي لخدمتنا ..المهم

انا من فترة كنت ببيروت وطبعا بالرجعة طلعت بالباص ، وكان شباك الباص بيفتح كل ما طلع او نزل شخص ، لان على تسكرية الباب ، كان عم يفتح الشباك تبع الباب ...

حوالي الساعة الثامنة او التاسعة .. في شخص نزل وعلى غلقة الباب انفتح الشباك.. وصار الهوا يفوت ، بشكل كبير وكان الهوا بارد ..وانا كنت نعسان وتعبان.. وما كان الي حيل اني قوم واسكر الشباك..المهم ضليتني قاعد والهوا البارد عم يخبط فيني .. انا كنت تعبان وعن جد ما كان الي حيل اني قوم واسكر هيدا الشباك ..

فقلت للهوا انا وعم انظر للفتحة يللي عم يدخل منها.. يا هوا انت عم تزعجني، مش متذكر اذا قلت هيدا الشي للهوا او لله، المهم عبرت بقلبي انو هيدا الهوا عم يزعجني ..فسبحان الله هون بتوقع المعجزة ،
قام واحد واغلق الشباك من دون ما اقول له.... :))))))))))))))))))))))))))))))))

لا اله الا الله...!!!!!

لا اله الا الله...!!!!!

لا اله الا الله...!!!

!الله ارسل هذا الرجل فقط ليغلق لي الشباك...هيدي اول معجزة بتاكد انها صارت الي خص نص...

انا صاير معي كتير معجزات قبل هلأ ، بس هيدي اول وحدة بتلفتلي نظري وبتخليني اتاكد انو عم يصير معي معجزات..
الحمد لله رب العالمين ..

اية الله، ومنفذ كلمة الله على الارض، حامي حقوق العذارى والضعفاء والمساكين، المفتي الشيخ العلامة ، الشاعر الكبير المتواضع ايمن